தினமணி             04.01.2014

பவானியில் ரூ.2 கோடியில் தார் சாலை பணிகள்

பவானி நகரில் ரூ.2 கோடி மதிப்பில் தார் சாலை அமைக்கும் பணிகள் வெள்ளிக்கிழமை தொடங்கின.

பவானி நகரில் 1-வது வார்டு சொக்கராயன்காடு முதல் குருநாத கவுண்டர் வீதி, வர்ணபுரம் 1, 2, 3, 4, 5 வீதிகள், வார்டு 6 மீனாட்சி கல்யாண மண்டபம் வீதி, 12, 15, 16-வது வார்டு திருநீலகண்டர் வீதி, தினசரி மார்கெட் சாலைகளில் கழிவுநீர்ப்பாதை சீரமைப்பு மற்றும் தார் சாலை அமைக்கப்படுகிறது.

3.94 கி.மீ. தொலைவுக்கு மொத்தம் ரூ.2 கோடியில் நடைபெறும் இப்பணியை நகர்மன்றத் தலைவர் கே.சி.கருப்பணன் தலைமை தாங்கி தொடக்கி வைத்தார். துணைத் தலைவர் ராஜேந்திரன், நகர்மன்ற உறுப்பினர்கள் ஏ.சி.முத்துசாமி, ராஜா, சரவணக்குமார், ராஜசேகர், மோகன், கு.செல்வராஜ், நகராட்சி உதவிப் பொறியாளர் ஆர்.ஜெயலட்சுமி, மாவட்ட மாணவரணி துணைச் செயலர் எம்.சீனிவாசன் உள்ளிட்டோர் பங்கேற்றனர்.