தினமணி 19.11.2009
ராயகிரி பேரூராட்சி குளங்கள் ரூ. 5.23 லட்சத்துக்கு ஏலம்சிவகிரி, நவ. 18: ராயகிரி பேரூராட்சிக்கு உள்பட்ட 7 குளங்களின் மீன்பாசி குத்தகை மொத்தம் ரூ. 5.23 லட்சத்துக்கு ஏலம்போனது.
இப் பேரூராட்சிக்கு உள்பட்ட ராஜசிங்கப்பேரி, மேலப்பன்னத்திகுளம், கீழப்பன்னத்கிகுளம், முத்தூர்குளம், கடம்பன்குளம், வேப்பங்குளம், மேலக்கரிசல்குளம் ஆகிய 7 குளங்களின் மீன்பாசி குத்தகை ஏலம் பேரூராட்சி மன்ற அலுவலகத்தில் தலைவர் ப.சு. வேலாயுதம் தலைமையிலும், துணைத் தலைவர் பாலகணேசன், செயல் அலுவலர் பி. ஆறுமுகம் முன்னிலையிலும் நடைபெற்றது.7 குளங்களும் சேர்ந்து மொத்தம் ரூ. 5.23 லட்சத்துக்கு ஏலம்போனது. அதில் அதிகபட்சமாக ராஜசிங்கப்பேரி குளம் ரூ. 3.75 லட்சத்துக்கு ஏலம்போனது.