தினகரன் 24.12.2009
நிதியமைச்சர் பிரணாப் தகவல் பொருளாதார வளர்ச்சி 8 சதவீதமாக உயரும்
புதுடெல்லி : நடப்பு நிதியாண்டில் இந்திய பொருளாதார வளர்ச்சி 7.5 சதவீதம் முதல் 8 சதவீதமாக உயரும் என மத்திய நிதியமைச்சர் பிரணாப் முகர்ஜி கூறினார்.
அவர் கூறியதாவது:
இந்திய பொருளாதார வளர்ச்சி 9 முதல் 10 சதவீத அளவுக்கு உயரவேண்டும் என்பது நமது நெடுநாள் விருப்பம். 2008 ஆம் ஆண்டுக்கு முன்பு நமது பொருளாதார வளர்ச்சி 9 சதவீதமாக இருந்தது. கடந்த ஆண்டில் உலகு தழுவிய அளவில் பொருளாதார தேக்க நிலை பரவியது. அதனால் இந்திய பொருளாதார வளர்ச்சி 2008&09ல் 6.7 சதவீதமாகக் குறைந்தது.
2009&10ம் ஆண்டுக்கான பொருளாதார வளர்ச்சி பற்றிய ஆண்டு இடைக்கால ஆய்வறிக்கை நாடாளுமன்றத்தில் சென்ற வாரம் தாக்கல் செய்யப்பட்டது. 2009&10ம் ஆண்டின் இரண்டாவது காலாண்டுப் பகுதியில் இந்தியப் பொருளாதாரம் 7.9 சதவீதமாக உயர்ந்திருப்பதாக அந்த ஆய்வறிக்கையில் கூறப்பட்டுள்ளது.
இந்நிலையில் நடப்பு நிதியாண்டில் இந்திய பொருளாதார வளர்ச்சி 7.5 சதவீதம் முதல் 8 சதவீதமாக உயரும் என மதிப்பிடப்பட்டுள்ளது. நாம் நீண்ட காலமாக கனவு கண்ட 9 முதல் 10 சதவீத பொருளாதார வளர்ச்சி கைக்கெட்டும் தூரத்தில¢தான் உள்ளது. நம்முடைய விவசாய உற்பத்தி 4 சதவீத அளவுக்கு உயர்த்தப்படவேண்டும். இந்திய தொழில்துறை பத்து சதவீத வளர்ச்சியை எட்டும் வாய்ப்பு உள்ளது. இது இந்தியப் பொருளாதார வளர்ச்சிக்கு சாதகமான அம்சமாகும் என்றார் பிரணாப்