Urban News

  • Increase font size
  • Default font size
  • Decrease font size
Nagara Seithigal - Agriculture

கோவை அருகே பேரூராட்சியில் மண்புழு உரத்தில் விளைந்த காய்கறிகள்

E-mail Print PDF

தினகரன்                16.11.2010

கோவை அருகே பேரூராட்சியில் மண்புழு உரத்தில் விளைந்த காய்கறிகள்

பெ.நா.பாளையம், நவ. 16: கோவை அருகே பேரூராட்சியில் மண்புழு உரத்தில் விளைந்த காய்கறிகளை பொதுமக்களே தோட்டத்தில் சென்று பறித்துக்கொள்ளும் கொள்முதல் முறை அறிமுகப்படுத்தப்பட்டுள்ளது.

இதுகுறித்து கோவை மாவட்டம் கூடலூர் கவுண்டம் பாளையம் பேரூராட்சி செயல் அலுவலர் கல்யாண சுந்தரம் கூறியதாவது:

பேரூராட்சியில் திடக்கழிவு மேலாண்மை மையம் செயல்பட்டு வருகிறது. இப்பேரூராட்சியில் சேகரிக்கப்படும் மக்கும் குப்பைகள் மூலம் மண் புழு உரம் தயாரிக்கப்படுகிறது. மையத்தில் உள்ள 2 ஏக்கர் நிலத்தில் பெண்கள் சுய உதவிக் குழுக்கள் மூலம் கத்தரி, வெண்டை, முள்ளங்கி, காலிபிளவர், பச்சை மிளகாய், நூல்கோஸ் உள்ளிட்ட காய்கறிகள் பயிரிடப்பட்டுள்ளன. இவற்றுக்கு நாங்கள் தயாரித்த இயற்கை உரமான மண் புழு உரம் போடப்படுவதால், செடிகள் செழிப்பாகவும், காய்கள் புஷ்டியாகவும் உற்பத்தியாகின்றன. தீங்கு விளைவிக்காத இந்த காய்கறிகளை பொதுமக்கள் நேரிடையாக தோட்டத்தில் சென்று பறித்து கொள்ளலாம். அவற்றை, சுய உதவிக்குழுவினர் எடைபோட்டு தருவார்கள். குறைந்த விலையில் இவற்றை கொள்முதல் செய்து கொள்ளலாம்.

இந்த மையம் தினமும் காலை 7 மணி முதல் இயங்கும். இம்முறையால் பொதுமக்கள் காய்கறிகளை சேதப்படுத்தும் வாய்ப்பு குறைவாகும். பொதுமக்கள் இந்த வாய்ப்பை பயன்படுத்திக் கொள்ள வேண்டும். இம்முறை மாவட்டத்திலேயே முதன்முறையாக கூடலூர் கவுண்டம் பாளையம் பேரூராட்சியில் தான் செயல்படுத்தப்படுகிறது. இவ்வாறு கல்யாணசுந்தரம் கூறினார்.

கோவை அருகே கூடலூர் கவுண்டம்பாளையத்தில் உள்ள திடக்கழிவு மேலாண்மை மையத்தில் பயிர் செய்யப்பட்டுள்ள உள்ள காய்கறிகளில் தங்களுக்குத் தேவையானதை பெண்கள் பறிக்கின்றனர்.

தோட்டத்தில் மக்களே பறிக்கலாம்

 

நெல், மிளகாய் விவசாயிகளுக்கு வர்ஷா பீமா மழை காப்பீடு திட்டம்

E-mail Print PDF

தினமணி 20.09.2010

நெல், மிளகாய் விவசாயிகளுக்கு வர்ஷா பீமா மழை காப்பீடு திட்டம்

சிவகங்கை, செப்.19: நெல், மிளகாய் உற்பத்தி செய்யும் விவசாயிகளுக்கு ஏற்படும் இழப்பீட்டை ஈடுகட்ட வர்ஷா பீமா மழை காப்பீடு திட்டம் வரப்பிரசாதமாக அமைந்துள்ளது என காப்பீட்டு நிறுவன மண்டல மேலாளர் சி.அன்பரசு தெரிவித்துள்ளார்.

இதுதொடர்பாக, அவர் தெரிவித்திருப்பது: மத்திய அரசால் நிறுவப்பட்டுள்ள அக்ரிகல்சர் இன்சூரன்ஸ் கம்பெனி ஆப் இந்தியா லிட் விவசாயிகளின் நலனுக்காக மழை காப்பீடு திட்டத்தினை தமிழ்நாட்டில் சிவகங்கை, ராமநாதபுரம், நாகை, தஞ்சாவூர், திருவாரூர், திருவண்ணாமலை, மதுரை, புதுக்கோட்டை, கடலூர் ஆகிய மாவட்டங்களில், 2010 சம்பா நெல் மற்றும் மிளகாய் பயிருக்கு அமல்படுத்துகின்றது.

இத்திட்டம், பருவகால மழையின் மாற்றங்களை அனுசரித்து, விவசாயிகளின் குறைவான விளைச்சல் இழப்பீட்டினை காப்பீடு மூலம் ஈடு செய்யும். அக்ரிகல்சர் இன்சூரன்ஸ் கம்பெனி ஆப் இந்தியா லிட், மத்திய அரசால் 20-1-2002- ம் ஆண்டு வேளாண் காப்பீட்டுத் திட்டங்களுக்காகத் தோற்றுவிக்கப்பட்டது.

இதுவரை இந்நிறுவனம் தமிழ்நாட்டு விவசாயிகளுக்கு ரூ 1,124 கோடி தேசிய வேளாண் காப்பீடு திட்டத்தில் இழப்பீடு அளித்துள்ளது. 2009-ல் நெற்பயிருக்கு சுமார் 6500 விவசாயிகளுக்கு ரூ 2.5 கோடி இத்திட்டத்தின் மூலம் நஷ்டஈடு வழங்கப்பட்டுள்ளது. விவசாயிகளுக்கு காப்பீட்டுத் தொகையானது பயிர் செய்யும் செலவீனத்தை பொருத்து ஏக்கருக்கு நிர்ணயிக்கப்பட்டுள்ளது.

அனைத்துக் காப்பீடு செய்துள்ள விவசாயிகளும் நஷ்டஈடு காப்பீடு பெறும் தகுதி உடையவராவர். காப்பீடுக் காலம் முடிவடைந்த சில நாள்களுக்குள், காசோலையாகவோ அல்லது விவசாயிகளின் கணக்கில் வரவு வைக்கவோ ஏற்பாடு செய்யப்படும். ஒவ்வொரு மாவட்டத்திலும் காப்பீடு நிறுவனத்தின் முகவர் மூலம் வரையோலையாக (ஈஈ) பிரிமீயம் செலுத்தலாம். ரொக்கமாக பிரிமீயத்தினை எந்த நபரிடமும் செலுத்தினால் கம்பெனி பொறுப்பேற்காது.

இத்திட்டத்தில் சேர விவசாயிகள், தங்களது பெயரிலேயே சேமிப்பு வங்கிக் கணக்கு வைத்திருப்பது அவசியம். பிரிமீயத் தொகையை வரைவோலை மூலம் அனுப்ப வேண்டிய முகவரி ஈஈ ஐசஊஅயஞமத ஞஊ அஐஇ ஞஊ ஐசஈஐஅ கபஈ அலஐந ஆஅசஓ அஇ. சஞ. 00601020001827 (ல்ஹஹ்ஹக்ஷப்ங் ஹற் இட்ங்ய்ய்ஹண்).

சிவகங்கை மாவட்ட விவசாயிகள் செலுத்த வேண்டிய பிரீமியம் சேவைவரி 10.30 உள்பட ரூபாய் ஒரு ஏக்கருக்கு. எஸ்.புதூர் வட்டாரம் நெல்லுக்கு 585, மிளகாய்க்கு ரூ 717. திருப்பத்தூர், கன்னங்குடி, தேவகோட்டை, சாக்கோட்டை ஆகிய வட்டாரம் நெல்லுக்கு ரூ441. சிங்கம்புணரி வட்டாரம் நெல்லுக்கு ரூ 640. சிவகங்கை வட்டாரம் நெல்லுக்கு ரூ518. திருப்புவனம் வட்டாரம் நெல்லுக்கு ரூ 474, மிளகாய்க்கு ரூ 882. காளையார்கோவில், கல்லல் ஆகிய வட்டாரம் நெல்லுக்கு ரூ 540, மிளகாய்க்கு ரூ 772. மானாமதுரை வட்டாரம் நெல்லுக்கு ரூ 485. இளையான்குடி வட்டாரம் நெல்லுக்கு ரூ441, மிளகாய்க்கு ரூ 662. மொத்த காப்பீடு மதிப்பு ஒரு ஏக்கர் நெல்லுக்கு ரூ 6,000, மிளகாய்க்கு ரூ10,000. விவசாயிகள் பிரிமீயம் கட்ட கடைசி நாள் 25-9-2010.

 

மழை காப்பீட்டுத் திட்டம் குறித்த விழிப்புணர்வு முகாம்

E-mail Print PDF

தினமணி 02.09.2010

மழை காப்பீட்டுத் திட்டம் குறித்த விழிப்புணர்வு முகாம்

புதுக்கோட்டை, செப். 1: புதுக்கோட்டையில் "வர்ஷா பீமா' மழைக் காப்பீட்டுத் திட்டம் குறித்த விழிப்புணர்வு முகாம் புதன்கிழமை நடைபெற்றது.

எம்.எஸ். சுவாமிநாதன் ஆராய்ச்சி நிறுவன கிராம வள மையம் மற்றும் இந்திய வேளாண் காப்பீட்டு நிறுவனம் சார்பில் நடைபெற்ற இந்த முகாமுக்கு, முன்னோடி விவசாயி ஜி.எஸ். தனபதி தலைமை வகித்தார். முன்னோடி விவசாயி எஸ்.வி.காமராசு முன்னிலை வகித்தார். இந்திய வேளாண் காப்பீட்டு நிறுவன ஒருங்கிணைப்பாளர் வி. பழனியப்பன் சிறப்பு விருந்தினராகப் பங்கேற்றார். முகாமில் அவர் பேசியது:

""மத்திய அரசால் நிறுவப்பட்டுள்ள வேளாண் காப்பீட்டு நிறுவனம் விவசாயிகள் நலனைக் கருத்தில் கொண்டு மழைக் காப்பீட்டுத் திட்டத்தினை நிகழாண்டு முதல் புதுக்கோட்டை மாவட்டத்தில் அறிமுகப்படுத்தியுள்ளது. இது தவிர நாகை, தஞ்சாவூர், திருவாருர், சிவகங்கை, இராமநாதபுரம் ஆகிய 9 மாவட்டங்களில் இத்திட்டம் அறிமுகப்படுத்தப்பட்டுள்ளது.

இத்திட்டத்தின் முக்கிய நோக்கம் ஒரு குறிப்பிட்ட காலத்தில் வரையறுக்கப்பட்ட பகுதியில் பருவ கால மழையின் அடிப்படையில் குறைவான விளைச்சல் இழப்பீட்டை காப்பீடு மூலம் ஈடு செய்வதாகும். இதுவரை இந்நிறுவனம் தமிழ்நாட்டில் | 124 கோடியை காப்பீடாக அளித்துள்ளது. மேலும் விவரங்களை எம்.எஸ்.சுவாமிநாதன் ஆராய்ச்சி நிறுவன கிராம வள மற்றும் அறிவு மையங்கள் மூலம் தெரிந்துகொள்ளலாம்'' என்றார். தொடர்ந்து காப்பீட்டுத் திட்டத்தில் சேர்வதற்கான விண்ணப்பங்களை விவசாயிகளிடம் அவர் அளித்தார்.

நிகழ்ச்சியில் எம்.எஸ்.சுவாமிநாதன் ஆராய்ச்சி நிறுவன திட்ட ஒருங்கிணைப்பாளர் ஆர். ராஜ்குமார் பேசுகையில், ""புதுக்கோட்டை மாவட்டத்தில் உள்ள விவசாயிகள் அன்னவாசல் கிராம வள மையம் மற்றும் வம்பன் நால்ரோடு அத்தாணி, ஓணாங்குடி, அரிமளம், புள்ளான்விடுதி, பரம்பூர், மலைக்குடிப்பட்டி, ராஜாளிப்பட்டி, நெடுவாசல், மேலப்பட்டி மேற்பனைக்காடு ஆகிய கிராம அறிவு மையங்களில் இத்திட்டம் தொடர்பான விவரங்களைப் பெறலாம். மேலும் இது தொடர்பான விவரங்களை 94437 80661 மற்றும் 98659 22115 ஆகிய கைபேசி எண்களுக்குத் தொடர்புகொண்டு அறிந்துகொள்ளலாம்'' என்றார் அவர். தொடர்ந்து, தமிழ்நாடு அறிவியல் இயக்க மாவட்டத் தலைவர் எல். பிரபாகரன், முன்னோடி விவசாயி பி. முருகேசன் ஆகியோர் பேசினர். முன்னதாக, ரைட்ஸ் நிறுவன இயக்குனர் ஆர்.அன்பழகன் வரவேற்றார். நிறைவில், தேசிய இணையக் கல்விக் கழக பிரதிநிதி எஸ். விஜிக்குமார் நன்றி கூறினார்.

 
  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  Next 
  •  End 
  • »


Page 1 of 7