Urban News

  • Increase font size
  • Default font size
  • Decrease font size
Nagara Seithigal - Poverty Alleviation

நகர்ப்புற வறுமை ஒழிப்பில் நாட்டிலேயே முதன்மை மாநிலமாக உள்ளது தமிழகம்: வெங்கய்ய நாயுடு

Print PDF

தினமணி           07.04.2017

நகர்ப்புற வறுமை ஒழிப்பில் நாட்டிலேயே முதன்மை மாநிலமாக உள்ளது தமிழகம்: வெங்கய்ய நாயுடு

venkaiah naidu

புதுதில்லி: நகர்ப்புற வறுமை ஒழிப்பில் நாட்டிலேயே தமிழகம் முதன்மை மாநிலமாக உள்ளது என்று மத்திய அமைச்சர் வெங்கய்ய நாயுடு தெரிவித்துள்ளார்.

மேலும் இதுகுறித்து மாநிலங்களவையில் இன்று பேசிய போது அவர் கூறியதாவது: -  நாட்டிலே அதிகமாக 24,245 சுய உதவிக் குழுக்கள் தமிழகத்தில்தான் உள்ளன.

சுய உதவிக் குழுக்கள் மூலம் உதவி புரிவதில் தமிழகம் முதலிடத்தில் உள்ளது. இதன் மூலம் 30,258 பேருக்கு மானியத்துடன் கூடிய கடன் வழங்கப்பட்டுள்ளதாகவும் மத்திய அமைச்சர் வெங்கய்ய நாயுடு தெரிவித்துள்ளார்.

 

"வறுமையை ஒழிக்க இந்தியா கடுமையாக பாடுபட வேண்டும்"

Print PDF
தினமணி      09.09.2014

"வறுமையை ஒழிக்க இந்தியா கடுமையாக பாடுபட வேண்டும்"

இந்தியா வறுமையை ஒழிக்க கடுமையாகப் பாடுபட வேண்டும் என்று ஐ.நாவின் உணவு, வேளாண் அமைப்பின் தலைமை இயக்குநர் கிரேசியானோ டி சில்வா தெரிவித்துள்ளார்.

பிரேசிலில் பசியைப் போக்கும் திட்டத்தை சிறப்பாக நிறைவேற்றியதற்காக கிரேசியானோ டி சில்வாவுக்கு இந்திய வேளாண் ஆராய்ச்சி நிறுவனத்தின் சார்பில் விருது வழங்கும் விழா தில்லியில் திங்கள்கிழமை நடைபெற்றது.

இதில் அவர் பேசியதாவது:

கடந்த 2011-13 ஆம் ஆண்டின் கணக்கெடுப்புப் படி 125 கோடி மக்கள் தொகை உள்ள இந்தியாவில் 17 சதவீதம் பேர் ஊட்டச்சத்து குறைபாட்டால் பாதிக்கப்பட்டுள்ளது தெரியவந்துள்ளது. அடுத்த ஆண்டிற்குள் உலகம் முழுவதும் பசியால் வாடும் மக்களின் எண்ணிக்கையை பாதியாகக் குறைக்கப்பட வேண்டும் என்று ஐ.நா. சபை இலக்கு நிர்ணயித்துள்ளது.

இதுதொடர்பாக பல்வேறு பிராந்தியங்களுக்கு இடையே கருத்து வேறுபாடுகள் உள்ளன. வறுமையை ஒழிக்க கடுமையாகப் பாடுபட வேண்டிய நாடுகளில் இந்தியாவும் ஒன்றாகும்.

2013-14 ஆம் ஆண்டில் இந்தியாவின் உணவு தானிய உற்பத்தி 24.6 கோடி டன்களாகும். இருப்பினும், அதிக அளவிலான உணவுதானிய உற்பத்தியினால் மட்டுமே வறுமையை ஒழித்துவிட முடியாது. வேலை வாய்ப்பையும் பெருக்க வேண்டும் என்று கிரேசியானோ டி சில்வா தெரிவித்தார். கோதுமை, அரிசி, கொண்டக்கடலை, சோயா, காய்கறிகள் ஆகியவற்றில் இந்திய வேளாண் ஆராய்ச்சி நிறுவனத்தால் கண்டுபிடிக்கப்பட்ட 14 புதிய பயிர் ரகங்களை இந்த விழாவில் கிரேசியானோ டிசில்வா அறிமுகப்படுத்தினார்.
 

பரமக்குடியில் திறன் மேம்பாட்டுக்கான நேர்காணல் சிறப்பு முகாம்

Print PDF
தினமணி         29.03.2013

பரமக்குடியில் திறன் மேம்பாட்டுக்கான நேர்காணல் சிறப்பு முகாம்


பரமக்குடி நகராட்சி அலுவலகத்தில் வறுமைக் கோட்டுக்கு கீழ் உள்ள பயனாளிகளுக்கு மத்திய, மாநில அரசின் இலவச வேலைவாய்ப்புடன் கூடிய திறன் மேம்பாட்டு பயிற்சிக்கான நேர்காணல் சிறப்பு முகாம் புதன்கிழமை நடைபெற்றது.

இம்முகாமுக்கு நகர்மன்றத் தலைவர் எம். கீர்த்திகா தலைமையேற்று துவக்கி வைத்தார். நகர்மன்றத் துணைத் தலைவர் டி.என். ஜெய்சங்கர், நகர்மன்ற உறுப்பினர்கள் ஆர். குணசேகரன், எம்.ஏ. முனியசாமி ஆகியோர் முன்னிலை வகித்தனர். நகராட்சி ஆணையாளர் கே. அட்ஷயா வரவேற்றார்.

இதில் சி.எஸ்.சி. கம்யூட்டர் சென்டர், ஆர்.எஸ்.கே. டெக்னாலஜிஸ், சி.எம்.டி.இ.எஸ். கம்யூட்டர் சென்டர், நேசனல் அகாதெமி தொழிற்பயிற்சி பள்ளி ஆகிய பயிற்சியளிக்கும் நிறுவனங்கள் சார்பில் நேர்காணல் நடைபெற்றது.     இச்சிறப்பு முகாமை துவக்கி வைத்து நகர்மன்றத் தலைவர் பேசியதாவது: சுவர்ணஜெயந்தி சகாரி ரோஜ்கார் யோஜனா திட்டத்தின் கீழ் நகராட்சிக்குட்பட்ட பகுதியில் வசிக்கும் வறுமைக்கோட்டுக்கு கீழ் உள்ள குடும்பங்களைச் சேர்ந்தவர்களுக்கு மத்திய, மாநில அரசின் நிதி உதவியால் திறன் மேம்பாட்டு பயிற்சி அளிக்கப்பட்டு வருகிறது.    இப்பயிற்சிக்கு 18 முதல் 35 வயதுக்குட்பட்ட, 8ஆம் வகுப்பு தேர்ச்சி மற்றும் 10, 12ஆம் வகுப்பு தேர்ச்சி பெற்ற, தோல்வியுற்ற ஆண், பெண் இருபாலருக்கும் பயிற்சி நிறுவனங்கள் சார்பில் நேர்காணல் நடத்தப்பட்டு வருகிறது.

நேர்காணலில் தேர்வு பெற்றவர்களுக்கு கம்யூட்டர் பயிற்சி, தையல் பயிற்சி, எம்பிராய்டரி, மகப்பேறு உதவியாளர், நர்ஸிங் உதவியாளர் மற்றும் நான்கு சக்கர வாகனம் ஓட்டுநர் மற்றும் உரிமம் பெறுதல் போன்ற பயிற்சிகள் வழங்கப்பட உள்ளன. இதனை மக்கள் நல்ல முறையில் பயன்படுத்தி, தங்களின் திறன் மேம்பாட்டினை வளர்த்துக் கொள்ள வேண்டும் என கூறினார்.

நிகழ்ச்சியில் நகர்மன்ற உறுப்பினர்கள், நகராட்சி பணியாளர்கள், பயிற்சி நிறுவனத்தினர் மற்றும் பயனாளிகள் உள்ளிட்டோர் கலந்து கொண்டனர். நகராட்சி சுகாதார ஆய்வாளர் பி. ரத்தினக்குமார் நன்றி கூறினார்.
 
  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »


Page 1 of 34