Urban News

ஹாவேரி, ஆக. 13: மாவட்டத்தின் சவணூர் நகரில் வசிக்கும் பங்கி வகுப்பினருக்கு அரசின் சார்பில் மனைபட்டா வழங்கப்பட்டது. மாநில நீர்பாசனதுறை அமைச்சர் பசவராஜ் பொம்மை வழங்கினார்.

சவணூர் நகரசபையில் துப்புரவு தொழிலாளர்களாக பல ஆண்டுகளாக பணியாற்றி வந்த பங்கி வகு ப்பினர் வசித்து வந்த குடிசை வீடுகளை அகற்றி விட்டு, அடுக்குமாடி கட்டிடம் எழுப்ப முடிவு செய்தனர்.

இதற்காக குடிசையை காலி செய்ய நோட்டீஸ் அனுப்பினர். இதை எதிர்த்து கடந்த மாதம் பங்கி வகுப்பை சேர்ந்த 5 பேர் மலத்தை உடலில் பூசி கொண்டு நகரசபை வளாகத்தில் போராட்டம் நடத்தினர். இந்த சம்பவம் மாநிலத்தில் பெரும் பரபரப்பை ஏற்படுத்தியது. அரசு பங்கி வகுப்பினரின் கோரிக்கையை உடனடியாக தீர்க்க வேண்டும் என்று எதிர்க்கட்சிகள் உள்பட பலர் குரல் கொடுத்தனர். இதை ஏற்று அரசின் சார்பில் வீட்டு மனைபட்டா வழங்குவதாக அறிவிக்கப்பட்டது.

அரசின் சார்பில் வாக்குறுதி கொடுத்தும் ஒருமாதம் கடந்தும் பட்டா வழங்காமல் புறகணித்தால், வரும் சுதந்திர தினத்தன்று விதான சவுதா எதிரில் மலம் பூசி போராட்டம் நடத்துவதாக அறிவித்தனர். இதில் விழித்து கொண்ட மாவட்ட நிர்வாகம் உடனடியாக பட்டா வழங்க முடிவு செய்தது. அதன்படி நேற்று மாலை சவணூர் தாலுகா தாசில்தார் பிரசாந்த் நால்வார் தலைமையில் மாநில நீர்ப்பாசன துறை அமைச்சர் பசவராஜ் பொம்மை வீட்டு மனைபட்டா வழங்கினார். சமூகத்தில் யாரும் உயர்ந்தவர், தாழ்ந்தவர் என்ற பேதம் கிடையாது.

அனைவரும் ஒன்று என்ற தத்துவத்தை அரசு கடைப்பிடித்து வருகிறது. சமூகத்தில் மிகவும் பின்தங்கியுள்ள பங்கி வகுப்பினருக்கு தேவையான சலுகைகள் வழங்கப்படும் என்று அமைச்சர் தெரிவித்தார்.

மும்பை, ஆக. 12: மும்பை யில் வசிக்கும் மக்களின் வாழ்க்கைத்தரம் மேம்பாடு பற்றி மதிப்பீடு செய்ய எம்.எம்.ஆர்.டி.ஏ முடிவு செய்துள் ளது.

பொருளாதார வளர்ச்சி நிறைந்த நகரமாக மும்பை இருந்தாலும் கூட இங்கு வசிக்கும் மக்களில் குறிப்பிட்ட சதவீதத்தினரின் வாழ்க்கை தரம் வளர்ச்சி அடைந்ததாக இல்லை. இதனால் மும்பை பெருநகர பிராந்தியத்தில் மனிதவள மேம்பாடு எவ்வாறு இருக் கிறது என்பதை மும்பை பெருநகர பிராந்திய வளர்ச்சி ஆணை யம்(எம்.எம்.ஆர்.டி.ஏ) மதிப்பீடு செய்து அறிக்கை ஒன்றை தயாரிக்க உள்ளது.

இது பற்றி எம்.எம்.ஆர்.டி.ஏ கமிஷனர் ரத்னா கர் கெய்க்வாட் நேற்று கூறியதாவது:

மனிதவள மேம்பாடு பற்றி மதிப்பீடு செய்து அறிக்கை தயாரிக்க முக்கிய கமிட்டி ஒன்றை அமைக்கும் நடவடிக்கையில் தற்போது நாங்கள் ஈடுபட்டுள் ளோம்.

பிறப்பு, கல்வி, எழுத்தறிவு மற்றும் மக்களின் வாங்கும் திறன் ஆகிய அம்சங்கள் அடிப்படையில் இந்த மதிப்பீடு செய்யப்படும். உண்மை நிலையை கருத்தில் கொண்டு, நீடித்து நிற்கும் மற்றும் சமச்சீரான வளர்ச்சி திட்டங்களை வகுக்கும் முயற்சியில் நாங்கள் ஈடுபட்டுள்ளோம்.

வளர்ச்சி என்பது பொரு ளாதார மேம்பாட்டை மட்டும் பிரதிபலிப்பதாக இருக்க கூடாது. மக்களின் வாழ்க்கைத்தரமும் மேம் பட்டதாக இருக்க வேண்டி யது அவசியம். எனவே இந்த மதிப்பீட்டை நடத்தினால் முதலீடு திட்டங்களை மறுஆய்வு செய்து எதில் அதிக கவனம் செலுத்த வேண்டும் என்பதை அடை யாளம் காணமுடியும்.

மும்பை பெருநகர பிராந்தியத்தை மேலும் சிறந்ததாக்க திட்டமிட இந்த மனிதவள மேம்பாடு அறிக்கை ஒரு முக்கிய கருவியாக இருக்கும். இவ் வாறு அவர் கூறினார்.