Urban News

  • Increase font size
  • Default font size
  • Decrease font size
Nagara Seithigal - Community Development

மாநகராட்சிப் பணியாளர்களுக்கு கண் பரிசோதனை முகாம்

Print PDF
தினமணி      09.11.2014

மாநகராட்சிப் பணியாளர்களுக்கு கண் பரிசோதனை முகாம்

திருச்சி மாநகராட்சி ஸ்ரீரங்கம் கோட்டத்தைச் சேர்ந்த துப்புரவுப் பணியாளர்களுக்கு கண் பரிசோதனை முகாம் சனிக்கிழமை நடைபெற்றது.

முகாமை மேயர் அ. ஜெயா தொடங்கி வைத்துப் பார்வையிட்டார். ஸ்ரீரங்கம் கோட்டத்தைச் சேர்ந்த 188 பணியாளர்கள் இதில் பங்கேற்றனர். இவர்களில் 83 பேருக்கு கண்களில் குறைபாடு இருப்பது தெரியவந்து, மேல் சிகிச்சைக்காகப் பரிந்துரை செய்யப்பட்டுள்ளது.

நகர்நல அலுவலர் டாக்டர் மாரியப்பன், உதவி ஆணையர் பா. ரெங்கராஜன், உதவிச் செயற்பொறியாளர் அமுதவள்ளி உள்ளிட்டோர் பங்கேற்றனர்.

தொடர்ந்து அனைத்துக் கோட்டங்களிலும் இதேபோன்ற முகாம் மாநகராட்சிப் பணியாளர்களின் நலனுக்காக நடத்தப்படும் என மேயர் தெரிவித்தார்.
 

சாலையோர நடைபாதையில் தூங்குவோர் 1,774 பேர்; பெண்கள் 689 பேர்; குழந்தைகள் 409 பேர்

Print PDF

தினமலர்     17.09.2014

சாலையோர நடைபாதையில் தூங்குவோர் 1,774 பேர்; பெண்கள் 689 பேர்; குழந்தைகள் 409 பேர்

சென்னை : சாலையோரம் படுத்து உறங்குவோர் குறித்து, மாநகராட்சி நடத்திய கணக்கெடுப்பில், பெண்கள் அதிக எண்ணிக்கையில் இருப்பது தெரியவந்துள்ளது. உச்ச நீதிமன்ற உத்தரவுப்படி நகரங்களில், ஒரு லட்சம் பேருக்கு, ஒரு இரவு காப்பகம் வீதம் அமைக்கப்பட வேண்டும்.

கணக்கெடுப்பு : அதன்படி சென்னையில், 70 இரவு காப்பகங்கள் செயல்பட வேண்டும். தற்போது 28 காப்பகங்கள் உள்ளன. மீதி காப்பகங்களை திறக்க, தகுதியான தொண்டு நிறுவனங்களை மாநகராட்சி தேர்வு செய்து வருகிறது. இந்நிலையில், வீடற்றோர் குறித்து, மாநகராட்சி, புதிய கணக்கெடுப்பை நடத்தி வருகிறது. முதற்கட்டமாக கடந்த சில தினங்களுக்கு முன், ஒரேநாள் இரவில், தண்டையார்பேட்டை, ராயபுரம் மண்டலங்களில் கணக்கெடுப்பு நடத்தப்பட்டது. அதில், ஒட்டுமொத்த மாநகராட்சி சுகாதார ஆய்வாளர்கள், துப்புரவு அலுவலர்கள் ஈடுபடுத்தப்பட்டனர்.

இதில், இரண்டு மண்டலங்களில், 1,774 பேர் சாலையோர நடைபாதையில், படுத்து உறங்குவது தெரியவந்தது. அவர்களில் 689 பெண்களும், 676 ஆண்களும், 409 குழந்தைகளும் அடக்கம். ஆண்கள், குழந்தைகளை விட பெண்கள், அதிகளவில் நடைபாதையில் உறங்குவது, மாநகராட்சிக்கு பெரும் அதிர்ச்சியை ஏற்படுத்தி உள்ளது.

விழிப்புணர்வு இல்லை : இதில், ராயபுரம் மண்டலத்தில் மட்டும், 1,656 பேர் சாலையோரம் வசிக்கின்றனர். தண்டையார்பேட்டை மண்டலத்தில், 118 பேர் வசிக்கின்றனர்.அவர்களுக்கு, மாநகராட்சி நடத்தும், இரவு காப்பகம் குறித்து பெரிய அளவில் விழிப்புணர்வு இல்லை என்பதும், கணக்கெடுப்பில் தெரியவந்தது. வடகிழக்கு பருவமழைக்கு முன் முழு அளவில் அனைத்து மண்டலங்களிலும் கணக்கெடுப்பு பணியை முடித்துவிட்டு, அவர்களை இரவு காப்பகங்களில், பாதுகாப்பாக தங்க வைக்க நடவடிக்கை எடுக்கப்படும் என, மாநகராட்சி உயர் அதிகாரி ஒருவர் தெரிவித்தார்.

90 சதவீதம் பேர் யார்?
இதற்கிடையே சாலையோரம் உறங்கும் ஆண்களில், 90 சதவீதம் பேர் குடிப்பழக்கத்திற்கு அடிமையாக இருப்பதும் கண்டறியப்பட்டுள்ளது.மது அருந்துவோருக்கு, இரவு காப்பகத்தில் தங்க அனுமதி கிடையாது என்பதால், இவர்களுக்கு மாநகராட்சியின் மது குடிப்போருக்கான மறுவாழ்வு இல்லத்தில் சிகிச்சை அளிக்க முடிவு செய்யப்பட்டு உள்ளது.

 

திமிரி பேரூராட்சியில் கைத்தறி நெசவாளர் மேம்பாடு குறித்த ஆலோசனை கூட்டம்

Print PDF

தினத்தந்தி               01.08.2013

திமிரி பேரூராட்சியில் கைத்தறி நெசவாளர் மேம்பாடு குறித்த ஆலோசனை கூட்டம்


திமிரி பேரூராட்சியில் மாநில சமச்சீர் வளர்ச்சி நிதியில் கைத்தறி நெசவாளர்கள் மேம்பாடு குறித்த ஆலோசனை கூட்டம் பேரூராட்சி அலுவலகத்தில் நடைபெற்றது. கூட்டத்திற்கு வேலூர் மண்டல பேரூராட்சிகள் உதவி இயக்குனர் மலையமான் திருமுடிக்காரி தலைமை தாங்கி பேசினார். திமிரி பேரூராட்சி தலைவர் எம்.புவனேஸ்வரி, துணைத்தலைவர் டி.ஆர்.ஆறுமுகம் ஆகியோர் முன்னிலை வகித்தனர். பேரூராட்சி செயல் அலுவலர் மனோகரன் வரவேற்று பேசினார்.

கூட்டத்தில் நெசவாளர்கள் பலர் கலந்து கொண்டு, தங்களின் முக்கிய கோரிக்கைகளான சங்கம் அமைத்தல், கடன் உதவி வழங்குதல், நெசவாளர்களின் பிள்ளைகளின் படிப்பிற்கு சலுகைகள், நலிந்த நெசவாளர் குடும்பத்திற்கு வீடு என்பன உள்பட பல்வேறு கோரிக்கைகளை வலியுறுத்தி பேசினர்.

அதைத்தொடர்ந்து நெசவாளர்களிடம், பேரூராட்சிகள் உதவி இயக்குனர் நெசவாளர்களின் கோரிக்கை தொடர்பாக அரசின் கவனத்திற்கு கொண்டு சென்று தொழில் மேம்பட வழிவகை செய்யப்படும் என தெரிவித்து பேசினார். கூட்டத்தில் நெசவாளர்கள் உள்பட பேரூராட்சி அலுவலர்கள், பணியாளர்கள் உள்பட பலர் கலந்து கொண்டனர்.

 
  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »


Page 1 of 18