தினமணி 03.01.2014
ரூ. 570 கோடியில் சாலைகள் சீரமைக்கப்படும்
பெங்களூருவில் ரூ. 570 கோடியில் சாலைகள் சீரமைக்கப்படும் என்று, கர்நாடக முதல்வர் சித்தராமையா தெரிவித்தார்.
இதுகுறித்து பெங்களூரு கிருஷ்ணா அரசு இல்லத்தில் வியாழக்கிழமை செய்தியாளர்களிடம் அவர் கூறியது:
பெங்களூருவில் பலத்த மழை பெய்ததால் சாலைகள் சேதமடைந்துள்ளன. இந்தச்சாலைகளை ரூ. 570 கோடியில் சீரமைக்கத் திட்டமிட்டுள்ளோம். இதற்கானப் பணிகள் ஏப்ரல், மே மாதங்களில் நிறைவடையும்.
ஏற்கெனவே, சேதமடைந்த 22 சாலைகள் சீரமைக்கப்பட்டுள்ளன. மேலும் 26 சாலைகளின் சீரமைப்புப் பணிகள் முடிவடையும் நிலையில் உள்ளன. மேலும், 70 சாலைகளில் பல்வேறு இடங்களில் ஏற்பட்டுள்ள குழிகளை மூடுவதற்கு 3 கட்டங்களாக தலா ரூ. 100 கோடி ஒதுக்கப்படும்.
குழிகளை மூடும் இயந்திரம் குறித்து புகார்கள் வந்துள்ளன. இதுகுறித்து பெங்களூரு மாநகராட்சி நிர்வாகத்திடம் விளக்கம் கேட்கப்படும் என்றார் அவர்.
